Kaffihald

Lýsing

Miaðlsterkt og klassiskt

Hetta kaffið er ein onnur góðska enn hini kaffini hjá Brell, sum øll eru í toppklassa. Meiningin við hesum kaffinum er at víðka um kundaskaran hjá Brell og røkka einum øðrum segmenti. Brenningin er steðga millum fyrsta og annað brot og úrslitið er eitt miðalsterkt, lættdrekkiligt kaffi, sum øll kunnu njóta við ella uttan mjólk. Góðskan og kompleksiteturin á hesum kaffinum er kanska eitt vet lægri enn á hinum kaffunum hjá Brell, men í koppinum stendur hetta kaffi væl frammanfyri onnur kaffi í sama prísklassa í Føroyum! Vit hava við vilja valt at pakka hetta kaffið í ein posa, sum skilur seg frá hinum kaffunum í Brell, tí hetta er ein onnur seria.

Hetta kaffið er vistfrøðiligt og reiðiliga handlað!

Haldaraskipan

Okkara haldaraskipan fevnir um hald av kaffi. Sjálvt haldið er ein mánaðarlig upphædd, sum heldur fram, til tygum sjálvi uppsiga haldið. Mánaðarligi prísurin á haldinum er altíð upplýstur. Haldið skal uppsigast umvegis tín vanga, tá tygum eru ritaður inn á síðuna brell.fo.

Hvønn mánað fært tú eina kvittan fyri títt gjald av kaffihaldi. Haldið er framhaldandi, til tað verður uppsagt.

Vit goyma ikki kortupplýsingar í okkara egnu skipan. Hesar verða goymdar í gjaldsskipanini.

Eitt hald kann keypast eins og allar aðrar vørur. Tó við tí muni, at eitt er eitt framhaldandi mánaðarligt gjald.

Uppsøgn av haldi

Tygum kunnu til eina og hvørja tíð uppsiga tygara hald. Hetta skal gerast umvegis tygara vanga, tá tygum eru ritaður inn á heimasíðuna brell.fo.